Lirthei intlân chhâwk dan tur puang

Traffic SP Rodingliana chuan February 21, Thawhṭanni khan Aizawla lirthei intlân chhâwk dan tur a puang. Zing dar 9:30 aṭanga zan dar 6 inkarah sorkar leh mimal lirthei intlân chhâwk tur a ni a, taxi leh two wheeler taxi-te chu zing dar 9 aṭanga zan dar 6 thleng an intlân chhâwk dan pangngai angin an tlân ang.

Traffic SP chuan lirthei intlàn chhâwkin a huam lohte a tarlang nghal a; intlân chhâwk thupek zâwm lote chu MV Act, 1988 Section 179 leh The Mizoram(Containment and Prevention of the spread of Covid-19) Act, 2020 Section 5(9) hmanga hrem theih a nih thu a tarlang bawk.

Intlân chhâwkin a huam lohte
1) Governor, Chief Minister, Speaker (an carcade tiamin) leh MLA-te
2) Gauhati High Court judge, executive magistrate law and order duty-te
3) Home department (Police, Fire & Emergency Services, MRHGCD, Prisons, FSL), Excise & Narcotics duty.
4) Medical & Hospital, PHE/PWD/P&E, Disaster Management hnuaia emergency duty.
5) PHE tuisem, ambulance/morgue van.
6) Print & electronic media leh National Informatics Centre (NIC)-a thawkte
7) Army leh para-military force, sorkar pisa despatch rider-te.
8) Kohhran hminga lirthei register.
9) AMC hnuaia bawlhhlawh paih motor.
10) Rualbanlote tana a bika ruahman lirthei.
11) Bawnghnute leh chanchinbu sem.
12) Passenger phur chi lirthei (state dang register huamin).
13) Zirna-in leh department bus.