Mizoramah ni 31 chhung a záwnin Positivity rate 20% aia sang a ni tawh

February 21, Thawhṭanni khan Mizoramah Covid-19 vei mi 1,675 hmuh chhuah a ni a, positivity rate 22.78% niin, thla khat (ni 31) chhung a zawnin positivity rate 20% aia sang a ni tawh. Nimin khan hripui vei dam tawh mi 1,674 chhuahtir an ni.

Covid-19 vei Thawhṭannia hmuh tharte chu mipa 781 leh hmeichhia 894 an ni a; RT-PCR hmanga hmuh 276, TrueNAT hmanga hmuh 70, RAT hmanga hmuh 1,306 leh FIA hmanga hmuh 23 a ni. February thla chhungin positive mi 32,972 hmuh a ni tawh.

Mizorama district 11 zinga district 10 chu positivity rate 10% chung lam a ni a, district pakua chu 20% chung lam niin, district pathum chu 30% chung lam a ni. Lawngtlai district-ah 10% a tling lo.

February 21-a Mizorama positivity rate chu 27.12% a ni a, ni 31 chhung a záwnin Covid-19 positivity rate 20% chung lam a ni tawh; January 22, 2022 aṭang khan ni tin positivity rate 20% aia sang vek a ni.

Nimin tlai dar 5 thleng khan hripui vei dam tawh mi 1,674 chhuahtir an ni a; district tina chhuahtir zat chu - Aizawlah mi 676, Lungleiah 265, Saitualah 120, Mamitah 114, Champhaiah 112, Khawzawlah 95, Serchhipah 92, Kolasib-ah 64, Siahaah 51, Lawngtlaiah 47 leh Hnahthialah mi 38 an ni.

IDSP record angin, Mizoramah Covid-19 vei 2,07,994 hmuh chhuah a ni tawh a, mipa 97,443 leh hmeichhia 1,10,551 an ni a, mipa aiin hmeichhia 13,108-in an tam zawk. Nimin tlai dar 5 thleng khan mi 1,99,394 (95.87%) chhuahtir an ni tawh a, mi 646 (0.31%) thi tawhin, enkawl mek mi 7,954 (3.82%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,07,994 chu mi 1,000 zelah hripui vei mi 189 an awm ang a ni a; mi 1,00,000 zela Covid-19 vangin mi 59 an thi tawh ang a ni tih sorkar thuchhuakin a tarlang.

Mizoramah February 21, 2022 thlenga swab sample endik tawh 18,03,054 aṭanga positivity rate chu 11.54% a ni a; RT-PCR hmanga endik zat percentage chu 20.42 a ni a, RAT hmanga endik zat chu 73.70% a tling.