MPSC-in No Vehicle Day an hmang

Mizoram Public Service Commission (MPSC) chuan nimin khan 'MPSC No Vehicle Day' an hmang a, MPSC-a thawk zawng zawngte'n lirthei keng loin, kea kalin pisa an kai.

MPSC No Vehicle Day-ah hian MPSC chairman Rev. Zosangliana Colney leh member dang te, secretary Lalzirmawia Chhangte leh officer dangte bakah, thawktu dang zawng zawngte chu Khatlaa New Secretariat Complex péngah an innghak khawm a; a huhoin kea kalin an pisa an pan a ni.

MPSC-in No Vehicle Day an hman chhante chu:
1. Oil/ fuel man sang zel avangin ni khat senso pawh a lo tam ta a. In renchem a ṭulzia inzirtir nan hei hi thil harsa lo tak, han tih mai theih a ni a, oil renchem ṭulzia tlangaupui nana tih a ni.
2. Kan chhehvel boruak bawlhhlawh zual zel hi kan mottor khûte hian a belhchhah nasa em em a. Boruak thianghlim zawk kan neih theih nan he lamah hian mipui mimir pawh kan ṭhanharh a ṭul a, ecology venhimna hi mi tin mawhphurhna a ni tih awareness campaign neih nan.
3. Taksa hriselna atan taksa sâwizawi leh kea kal hi a ṭangkai em em a, health aware­ness canmpaign a ni nghal dawn a ni.
3. Office pakhata thawkte inpawh zawk nan a huhoa kea kal hi a ṭangkai.