Champhai dist-a candidate turte PRISM party-in an puang

PRISM party chuan October 18, Ningani khan Champhaiah an candidate-te infuihtharna hun leh hmalak dan tur inzirtirna hun an buatsaih a, Champhai district-a Assembly bial hrang hranga an candidate turte an puang nghal.

Inkhawmah hian PRISM Champhai district president TBC Lalvenchhunga'n Cham-phai distrct chhunga PRISM candidate turte hming a puang a; chu'ngte chu - Lengteng bialah C Lalsawmliana, Tuichângah Vanlalruata, Champhai North-ah TBC Lalvenchhunga leh East Tuipui bialah H Vanlalrova te an ni.

PRISM president Vanlalruata chuan, PRISM hmalak tawhnate sawi langin, sorkarin dan lekkawh ngam se chuan PRISM hmalakna vangin eiruk hmang mi 300 vel man an nih tawh tur thu a sawi a, "Kum 10 chuang kan ram siamṭhat tumin kan bei tawh a, mi tam takin kan nunna atan hial min hlauhthawnpui ṭhin. Ram hruaitute'n dan an lekkawh ngam loh vang leh thil dik lo siamṭhat aia sawi mâm an tum zawk ṭhin avangin kan hmalakna khan kan ram hi a siamṭha zo lo," a ti.