Party-te nena Thawhhona Thuthlung Bawhchhia MPF-in an puangzar

Mizoram People Forum (MPF) Aizawl East-II Constituency Forum chuan, MNF Aizawl East-II Block-in Octgober 17, 2018 khan MPF leh political party-te Thawhhona Thuthlung an bawhchhiat thu an puang a; tun hnuah Thawhhona Thuthlung bawhchhiatna awm tawh lo se an duh thu an tarlang.

MPF Aizawl East-II Constituency Forum chuan 'Thawhhona Thuthlung Bawhchhia Puanzarna' an tichhuak a; an thu puanzar chu Constituency Forum president Rev. R Lalchangliana leh secretary Upa Hmingthan Sanga Pachuau ten hming an ziah hnan a ni.

Aizawl East-II MPF chuan, "2018 MLA inthlan thianghlim leh felfai neih a nih theih nan party hrang hrang president leh MPF Gen.Secretary ten Thawhhona Thuthlung an lo signed tawh chu bawhchhiahin, dâwt hmanga kan MPF hruaitute an thusawi loh sawitirin, MNF Aizawl East-II Block chuan ni 17.10.2018 (Nilaini) khan ran eng emaw zat talin, party workers meet cum conference hming chawiin, Armed Veng community hall-ah ruai an ṭheh a. Ruai ṭheh tur hian in hrang hrangah (Kan MPF hruaitute inah pawh) lutin an sawm a ni," an ti.

Thawhhona Thuthlung bung 2:4-ah 'Vantlang rana ruai ṭheh leh picnic hi a hautak em avangin tih loh hni se' tia ziah a nih thu sawiin MPF chuan, "MNF Aizawl East-II Block-in an bawhchhiat avangin, Thawhhona Thuthlung bung 8:2-na 'Heng thawhhona thuthlung bawhchhia an lo awm a, finfiah ngei a nih chuan MPF-in an bawhchhiatna constituency huam chhuyngah a puangzar ang,' a tih angin, Aizawl East-II MNF Blcok chuan Thawhhona Thuthlung pawisa loin an bawhchhia tih Aizawl East-II contituency chhunga mipuite kan hriattir e," an ti a ni.