Tuialhthei lâk theih zat bithliah

Mizoram IOCL Tran­sporters Forum-te'n tuialhthei an phurh man tihniam a nih avanga February 23-25, 2022 chhung indent, challan siam leh tuialh thei phurh an tum loh avangin Food, Civil Supplies & Consumer Affairs director Ramdinliani chuan ṭum khata petrol leh diesel lak theih zat khuahkhirhna a tichhuak.

FCSCA Director chuan, petrol pump-te chu an tuialhthei dah khawl sate FCSCA Deputy Direc­tor (G) phone num­ber 9436198916 emaw, Supply POL Report Group WhatsApp group-ah ni tin zing dar 9-ah report thehlut turin a hriattir a, "MS (petrol) stock litre 5,000 leh HSD (diesel) stock litre 7,000-a a tlak­hniam chuan FCSCA hriatpuina leh phalna loin pek chhuah tawh loh tur a ni a, a ṭul angin FCSCA-in ruahmanna a siam ang," a ti.

Tuialhthei khuah­khirhna hian nimin zing dar 6 aṭanga thu leh awm hma zawng a huam dawn a; buhfai leh mipui ni tin mamawh phur truck-te chu an challan milin an kal lam leh haw lam daih pek tur a ni.

Tuialhthei lak theih zat
Two-wheeler litre 5
LMV litre 10
MMV litre 20
HMV litre 40