Thirsakawr khalhte tan thuràwn siam

Traffic SP Rodingliana Chawngthu chuan, Aizawl khawpuia thirsakawr (cycle)-a tlân hun leh himna tur thuràwn a tichhuak a; traffic rules leh traffic signage-te ngai pawimawh tura a chah bakah, zing dar 7 leh zan dar 7 inkarah thirsakawr hmangin kawngpuiah tlan loh ni se, tiin a ràwn.

Rodingliana Chawng­thu chuan, "Aizawl kawng­pui dungah non-moto­rised transport (NMT) huanga awm thir­sakawr kalna tur bik (cycle track) a awm loh avangin thirsakawr khalh ṭhinte tan a him loin, lirthei dang tlânte nen intihpalha chêtsualna pawi tak a thlen a hlauhawm," a ti a; thirsakawr khalhtute chu anmahni leh kawngpui hmangtu mi dang him nan hriattirna leh thurâwn siamte zâwm turin a ngen.

Thirsakawr khalhte tana thuràwn
1) Zing dar 7 leh zan dar 7 inkarah thirsakawr hmangin kawngpuiah tlan loh ni se.
2) Safety helmet khum ṭhin ni se.
3) Lirthei dangte angin traffic rules leh traffic signage-te ngaih pawimawh tur.
4) Zebra crossing-a din, footpath-a cycle dah, a hun loa hma lama lirthei tlan pelhte tih loh tur.
5) Thirsakawr khalh laiin mobile phone hman loh tur a ni.
6) Zan leh khaw hmuh chian theih lohna hmunah thawmhnaw langsar/hmuh awlsam inbel ni se.
7) Nu leh pate'n fate thirsakawr khalh leh zir mekte uluk taka enpuia ngaihven tur a ni.