HFW dept. audit-naah Thil dik lo hmuh a ni lo

Health & Family Welfare minister Dr R Lal­thangliana chuan, kum 2020 tawp lama Finance department-in Health department sum hman dan an endik (audit)-naah thil dik lo hmuh a nih loh thu House a hrilh.

Finance department-in Health department sum hman dan an endik chungchanga INC mem­ber Zodintluanga Ralte zawhna nimin khan ziaka chhángin, "Eng vanga hmanhmawh taka audit nge a nih chu department lamin engmah hriat a nei lo," a ti.