Mizoramin JJM aṭangin fund cheng nuai 47,623 hmu dawn

Finance department changtu chief minister Zoramthanga chuan nimin khan INC member Zodintluanga Ralte zawhna chhangin, kumin financial year thlenga Jal Jeevan Mission (JJM) fund Mizoramin a dawn tur chu cheng nuai 47,623 a nih thu House a hrilh.

Chief Minister chuan, JJM sum Mizoramin a hmuh tur zawng zawng chu la hriat chian theih ni lo mah se, financial year kal meka hmuh tur chu cheng nuai 47,623 a nih thu a tarlang a, "January 31, 2022 thlenga central sorkar aṭanga kan sum hmuh tawh chu cheng nuai 32,429.25 a tling tawh. Kum thar lamah pawh la dawn belh zel a ni ang," a ti.