Kamrul-a kan duhsak bik lo - Zoramthanga

Chief minister Zoramthanga chuan, Kamrul Laskar chu contract hna pekah an duhsak bik lo niin a sawi a, "Contractor dang pawhin hna an thawk nasa," a ti.

Nimina thuthar thehdarhtute a kawmnaah zawhna chhangin Chief Minister chuan, "Kamrul-a hi kan duhsak bik lo a, kan duhsak lo bik lo bawk. Contractor dangte pawhin hna an thawk nasa lutuk," a ti a, Kamrul-a'n hna a thawk nasa bik lo niin a sawi.

CM Zoramthanga chuan, Kamrul-a hming hna awm zawng zawng chu amah (Kamrul-a) thawh tihna a ni kher lo tih sawiin, "A nihna tak sawi ila, a hming hawhsakte a ni ve. Tun hma aṭang pawhin contractor hming hawhsak hi chu a awm ṭhin," a ti.