Department 32 hnenah SEDP sum Nuai 20,277.36 pek a ni tawh

Planning & Programme Implementation depart­ment changtu chief minister Zoramthanga chuan, sorkar deartment hrang hrang hnenah SEDP pawisa kum 2020-21 chhungin nuai 11,383.91 leh kum 2021-22 chhungin nuai 8,893.45 pek chhuah a nih tawh thu a tarlang. Kum hnih chhunga pek zat hi nuai 20,277.36 a ni.

Chief Minister-in February 23, Nilainia Zodin­tluanga Ralte zawhna ziaka a chhàn danin, kum 2020-21 chhung khan depart­ment 27 hnenah SEDP aṭangin cheng 11,383.91 pek a ni a, dawng tam ber chu PWD niin, cheng nuai 4,402.23 pek a ni. Kum 2021-22 chhungin department 28 hnenah cheng nuai 8,893.45 pek a ni tawh a, dawng tam ber chu PWD bawk niin, 2,248.06 an dawng.

CM Zoramthanga chuan, SEDP sum chu state fund aṭanga dah a nih thu leh budget pangngai sawh hêk a nih thu a tarlang bawk.