WHO leh EU-in Mizoram hnenah RT-PCR kit an pe

World Health Organisation (WHO) leh European Union Humanitarian Aid-in Mizoram tana RT-PCR test kit 2,16,864 an pek chu nimin khan Health minister Dr R Lalthangliana hnenah WHO surveilance medical officer Dr Lalhlimpuii'n a hlân. RT-PCR test kit hi US dollar 1,87,200 (cheng nuai 142) man a ni.

Dr R Lalthangliana chuan, WHO leh EU Humanitarian Aid-te'n RT-PCR kit an pe chu lawmawm a tih thu a sawi a; Covid-19 donaa theihtawp chhuahtu kohhran, pawl, chhungkua leh mimal chungah lawmthu a sawi bawk.

Dr Lalhlimpuii chuan, WHO-in state bil tan Covid-19 sample test kit a lei ngai lo tih sawiin, "Health Minister-in theihtawp chhuaha hma a lakna an hriatin an ngai pawimawh a, India ramah tihfel theih a nih loh avangin WHO South-East Asian Region office-ah tih a ngai a ni," a ti.