Young Voters Conclave buatsaih

Nimin khan Mamit College basketball ground-ah Young Voters Conclave 2018 hman a ni a, Mamit DC Vanlalngaihsaka'n a hmanpui.

Vanlalngaihsaka chuan, vote nei tharte tana vote thlak pawimawhna, a hlutna leh vote nei tharte intawhkhawmna hun buatsaih a ni chu lawmawm a tih thu sawiin, "Election Commission of India chuan mi tu pawh, vote neite'n vote an thlak ngei hi a duh dan a ni a, mi tinte'n kan aiawha ram rorelna hna thawk tur kan thlan chu kan chanvo leh kan mawhphurhna a ni," a ti a, kumin inthlanpuiah vote nei tharte leh vote nei tawhte chu vote thlak ngei turin a sáwm.

Young Voters Conclave hi session hniha ṭhen a ni a, zirlaite tan essay writing competition, extempore speech leh quiz-te buatsaih a ni.