Dan pangngaia zirna kalpui duh

Nimin khan MZP hruai­tute leh college students' union hruaitute MZP pisaah an ṭhukhawm a; college class chu dan pang­ngai (offline) ngeia kalpui an duh thu an tarlang.

Ṭhutkhawma tarlan danin, offline class kal chungchangah January 19, 2022 khan CM Zoram­thanga a pisaah an hmu tawh a, sorkar thuneitu hrang hrangte hnenah pawh an thlen tawh.

Mizoram sorkarin gym, spa, picnic spot, dawr, bazar leh puipunna dang ṭhenkhat a phal tawh laiin, college zirlaite hripui léng laka fimkhur thiam rual vek tawhte dan pangngaia zirna an kalpui a la phal lo a, zirlaite'n an tuar tawh hle tih an sawi a ni.

Ṭhutkhawma an relte
1) College class hi offline ngeia kalpui ni rawh se.
2) Sorkarah offline class kalpui tura ngen ni se. Sorkara ngenna hi March 4, 2020 thleng ngaihchàn ni se, hemi hnua a la hlawhtlin loh chuan March 8, 2022 hian Vanapa Hall kawtah lungawi lohna lantir ni rawh se.
3) Zirlai zawng zawng offline-a class kalpui ni se, a theih loh pawhin final semester tal offline class kaltir ni rawh se.
4) Offline class kalpui theih loha online-a class kalpui a nih rau rau chuan, MZU hnuaia degree course hrang hrang exam pawh online veka kalpui ni rawh se.