MYC Perhkhuang, 2021 atan Cheng nuai 18.37 hman a ni

Assembly session neih mekah Sports & Youth Services minister Robert Romawia Royte chuan INC member C Ngunlianchunga zawhna ziaka chhangin, Mizoram Youth Commission (MYC)-in MYC Perhkhuang, 2021 an buatsaihnaah cheng nuai 18.37 sèn a nih thu a tarlang.

Robert Romawia chuan, MYC Perhkhuang buatsaih a nih chhan sawiin, "Pandemic hun lai, ṭhalaite tan online kaltlanga an talent hâi chhuah hun remchang a nih bakah, MYC action plan-a awm a nih avangin hun âwl hlâwk taka ṭhalaite'n an hman theihna tura huaihawt a ni. Perhkhuang Organising Committee din a ni a, chairman leh secretary bakah member pariat an awm. Committee member-te judge an ni nghal," a ti.