Mamit MJA-in hmalaknate an tlawh

MJA, Mamit district member-te chuan nimin khan Mamit District Cooperative Societies bultuma Pradhan Mantri Van Dhan Yojana (PMVDY) hnuaia hmalakna hrang hrangte a hmunah kalin an tlawh.

Mamit MJA-te hian Darlak Piggery Cooperative Society Ltd. an tlawh a; an secretary Zohmingliana chuan, an pawlah member 23 an awm mek a, vaimim leh bekang chinna atan ṭín 50-a zau ram an vah thu a sawi.

Darlak Van Dhan Vikas Kendra (VDVK) hnuaia Darlak Integrated Fish Farming Cooperative Society Ltd.-te’n kuhva 5,00,000 scoop theihna tur tanky an siam te, Tuidam Consumer Cooperative Society Ltd. hmalaknaa kuhva Rs 1,00,000 man an scoop mek leh Zawlnuam Consumer Cooperative Society Ltd. hmunhma an tlawh bawk.