Covid-19 vangin mi 655 thi tawh

Nimin khan tlai dar 5 thlengin Mizoramah Covid-19 vangin mi pathum an thi. Mizoramah hripui vangin mi 655 an thi tawh a, kumin February thla bikah mi 45 an thi tawh.

Nimin chawhma dar 11:50 khan Ruthi Lalsiamthari (30), Ṭhuampui, Aizawl chu hripui vangin State Refferal Hospital-ah a thi a, Covid-19 positive a ni tih February 21, 2022 khan hmuh chhuah niin, SRH-ah dah luh nghal a ni a, natna dang nei tel a ni.

Vulmawii (82), Thenzawl Vengthlang chu nimin tlai 3:30 khan hripui vangin CCC-ah a thi a, Covid-19 a vei tih February 23 khan hmuh chhuah a ni. Lalenga (65), Déngsur, Lunglei district pawh nimin tlai dar 5:05 khan SRH-ah a thi a, Covid-19 positive a ni tih February 17 khan hmuh niin, natna dang nei tel a ni.