MJA-in Health Minister an kâwm

MJA Gen.Hqrs office bearer-te chuan nimin khan Health minister Dr R Lalthangliana a pisaah an kâwm a; Minister chuan, Covid-19 donaah media ṭawiawmna an dawn ṭhat avangin lawmawm an tih thu lo hrilhin, sorkar ṭawiawm zel tur leh ram leh mipui tan thawk zel turin a ngen.

Health Minister chuan, Mizoram chu India ramah Covid-19 donaah a thawk ṭha ber páwl nia sawiin, "Central sorkar hotute pawhin an sawi ṭhin. Sorkar, task force, tlawmngai páwl leh mipui ṭanrualna a ni," a ti. Covid-19 damdawi a awm theih hun atan Mizoram sorkar a inpuahchah mek tih a sawi bawk.

MJA hruaitute chuan, Covid-19 donaa mipui hriat tur thupuan pawimawh sorkarin a neihin, press briefing emaw neih theih hrâm ni se, an duh thu an sawi a; chumi a rem ngang lo a nih pawhin, IPR department kaltlanga puan chhuah ni loa official lam aṭanga thu thehdarh tawh loh ṭha an tih thu Minister an hrilh a ni.