Union Minister-in Mamit a tlawh

Union minister of state for Health & Family Welfare Dr Bharati Pravin Pawar chuan, nimin khan Mamit a tlawh a, DC Conference Hall-ah sorkar hotute leh tlawmngai pawl hruaitute nen inkâwmin, Aspirational District chungchang an sawiho.

Dr Bharati Pravin Pawar chuan, Mamit district - Aspirational District hnuaia hmasawnna tur, tehna hrang hranga an hniamnate chu chak taka hmasawn dan tur ngaihtuaha scheme zir chiang turin department official-te a hrilh.

Union Minister hian Mamita Health and Wellness Centre, Mamit College, Chief Medical Officer pisa, Health Worker Training School leh District Hospital-te a tlawh nghal a ni.