LADC inthlana candidate turte puang

Lai Autonomous District Council (LADC) inthlan, December 4, 2020-a neih tura Congress party candidate turte chu nimin khan Lai District Congress Committee pisa, Lawngtlaiah puan a ni. MNF party chuan November 10 khan MDC bial 16-a an candidate turte an lo puang tawh bawk.

LADC inthlana Indian Na­tional Congress (INC) candi­date turte hi MPCC treasurer Zodintluanga Ralte-in a puang a; chu'ngte chu mi 15 leh inde­pendent candidate, INC thlâwptu (Independent for Congress) pathum niin, an vaiin mi 18 an ni.

Zodintluanga Ralte chuan, Mizoram sorkar chu a letling thawka a kal avangin harsatna nasa tak ramin a tâwk mek niin a sawi a, "Mizoram sorkarin khaikhawmtu mumal a nei lo hi a pawi hle. Minister-te hian tih tur leh tih loh tur an hre lo, leadership crisis a awm a, an hotupa ber hian a khaikhawm tawh lo," a ti.