Ar vulhtute harsatna sorkarin a hria - AH&Vety Minister

Animal Husbandry & Veterinary minister Dr K Beichhua chuan February 25, Zirtawpni khan ZPM member C Lalsawivunga zawhna ziaka chhangin, Mizorama ar vultute harsatna tawh chu Mizoram sorkarin a hriat thu leh, harsatna sukiang tura sorkar hmalak dan House a hrilh.

C Lalsawivunga zawhna, 'Mizorama ar vultute'n state pawn aṭanga ar lak luh a nih avangin a hralhna kawngah harsatna nasa tak an tawk nia sawi a ni a, ar vulhtute harsatna hi sorkar hian a hriat­pui em?' tia a zawhna chu Dr K Beichhua chuan, 'Ar vulhtute harsatna hi sorkarin a hria e,' tiin a chháng a; sor­kar hmalak dante a tarlang.

AH&Vety minister Dr K Beichhua tarlan danin, Mizorama ar vulhtute harsatna sutkianna tur te, phai aṭanga màn tláwm zawka ar rawn lutte el pha tur leh tlawm zawka ar vulhtute'n an lei theih nan AH&Vety leh Commerce & Industries chuan ruahmanna an siam a, chu chu private sector-ah pek an rel a, bawhzui mek a ni. Ramrikawna Animal Feed Plant aṭangin ar leh ran dang chawte siam a ni a, chu chu PIGFED kaltlangin market rate aia hniamin hralh ṭhin.

Dr K Beichhua chuan, Mizoramah Vety dispensary 56 leh checkpost 13 a awm thu a tarlang a, chu'ng zinga 50-ah chuan veterinery officer an awm loh thu a tarlang bawk.