Pathian duh dana campaign turin Lalduh-oma'n a chah

Zoram Peoples' Movement (ZPM) chief ministerial candidate Lalduhoma chuan nimin khan Serchhip Bazarah thu sawiin, Mizoram puma ZPM hmasawnna leh hmachhawpte a sawi a; inthlanna felfai leh thianghlim tak neih a nih theih nan ZPM campaigner-te chu Pathian duh zawnga campaign a, sorkar leh kohhran dan bawhchhe lo turin a chah.

Lalduhoma hian an dinna tur bial pakhat zawk - Serchhip bialah campaign turin nimin khan Serchhip a pan a, ZPM hruaitu eng emaw zatin an ṭawiawm. Nimin khan Serchhip Bazarah vantlang inkhawm tawi an nei a; Serchhip bial leh ram pumah Pathian duh dana rorelna kalpui a nih theih nan te, ZPM candidate zawng zawngte Pathian duh dana thianghlim leh dik taka an campaign theih nante leh, hnehna an chan ngei theih nante an ṭawngṭai rual a ni.