KHAWTHLIR

Rualbanlote Hamthatna
Institute of Secretariat Training & Management (ISTM), New Delhi; Commissioner for Persons with Disabilities leh ATI ṭangkawp chuan rualbanlote hamṭhatna hrang hrangte zirhona Mizoram sorkar hnathawkte tan Chawnpui Hall, ATI-ah an buatsaih.

Candidate puan belh
Zoram Thar pawl chuan kumina Mizoram Assembly inthlan turah bial hrang hrangah candidate an nei dawn a, a tahtawlin candidate tur an puang zel. Nimin khan khan Aizawl East-I biala an candidate tur chu Zosangliana a nih thu, Zoram Thar president Rev.Dr Zaichhawna Hlawndo-in a puang. Zoram Thar pawl hian nimina an puan tâk Zosangliana nen hian candidate tur mi 11 an puang tawh.

Annual inspection
Excise & Narcotics department (END), Mamit district chuan kum tina an tih ṭhin angin nimin khan annual inspection an buatsaih a, END commissioner Ngurchungnunga Sailo-in a hmanpui a, inpekna thuk zawk nena an duty-te hlen chhuak turin a fuih.

Mizoram chhuahsan
All India Science Drama Competition-a Mizoram aiawha tel tur St. Paul's Higher Secondary School zirlai pariat leh zirtirtu pakhat chuan intihsiakna hmun tur Regional Science Centre, Guwahati panin October 24, Nilaini khan Mizoram an chhuahsan. Intihsiaknaah hian India hmarchhak state-te an tel dawn a, state ti ṭha pahnihte chu January, 2019-a International Drama Festival, Mumbai-ah an tel leh ang.

Communication Chairman thar
Mizoram Pradesh Congress Committee president Lal Thanhawla chuan, Lallianchhunga, Zonuam chu thu leh awm hma chuan MPCC Communication department chairman hna thawk tel turin a ti. Lallianchhunga hi October 11, 2018 khan MPCC Media department chairman atan ruat a lo ni tawh bawk.