Science, Art & Craft Exhibition buatsaih

PC Girls' School chuan nimin khan an sikulah ni khat awh 'Exhibition on Science, Art & Craft' an buatsaih a, Synod executive secretary Rev. B Sangthanga'n a hawng.

Rev. B Sangthanga chuan, zirlaite kut chhuak ṭha leh ropui tak tak mite hmuh theiha pholanna exhibition buatsaih a ni chu lawmawm a tih thu a sawi a; "Jeremy Lal­rinnunga leh Lalremsiami Hmar-te pawh Pathianah an innghat a, an ṭawngṭai a, khawvel huap intihsiaknaah medal an dawng thei a, hei hian Mizote'n Pathian ṭihna leh tumruhna nena thil kan tih chuan khawvelah kan lang thei a ni," tiin, zirlaite chu lehkha an zir zelna turah Pathian ring tlata ṭawngṭai ṭhin tur leh tumruhna leha lehkha zir turin a fuih.

Exhibition on Science, Art & Craft-ah hian PC Girls' School zirlai, pawl 6-8 inkarte'n science thiamna hmanga an thil siam chi hrang hrang te, kut themthiamna hmanga an siam, tah leh ṭhuite an pho chhuak a; an sikula zirlaite bakah, sikul danga zirtirtu leh zirlai ṭhahnem takin an tlawh a ni.