KHAWTHLIR

Hâlpuah khap dan sawiho
Kumina Diwali, Krismas leh kum thar lawmna him taka hman a nih theih nan kum dang anga hâlpuah, hâlmawi leh silai lem, a mu kâp chhuak thei (a kap na chi) khap kawnga hmalak zel dan tur nimin khan Home secretary Lalnunmawia Chuaungo hoin CS conference hall-ah sawiho a ni. Meeting-a tarlan danin, hâlpuah leh a kaihhnawih leh silai lem lak luh, zawrh leh hman khapna thupek DC-tinin an district chhungah an tichhuak a, Mizoram sorkar hnuaia check gate zawng zawng chu khap thilte Mizorama a lut tur uluk taka veng tura hriattir an ni.

Art Exhibition
November 14-19, 2018 chhung khian New Delhi-ah Mizo lemziakte phochhuahna Art Exhibition neih a ni dawn. Exhibition hi Rajiv Gandhi Foundation, New Delhi leh Mizoram IPR department buatsaih tur a ni a, Jawahar Bhawan, Connaught Place, Delhi-ah neih a ni ang.

Unity Day sawiho
Nimin khan chief secretary Arvind Ray hoin Secretariat conference hall-ah National Unity Day - Rastriya Exta Diwas hman dan tur rel a ni. Meeting-a rel dan chuan, National Unity Day, October 31 zing dar 7-ah Chief Secretary-in Run for Unity-a tel tur sikul naupang 500-te a vai liam ang a, zing dar 7:45 aṭanga zing dar 8:15 inkarah Lammualah Governor-in ‘Pledge Taking Ceremony’ a hmanpui ang.

Duty tur thliar
Nimin Lawngtlaia NIC video conference hall-ah MLA inthlanpuia Lawngtlai district-a constituency pathuma duty tur polling party leh reserve party turte thliar fel a ni. He hunah hian polling official atana ruat mi 836 aṭangin a taka duty tur leh reserve turte chu Election Commission of India (ECI) randomisation software hmanga thliar fel a ni. Lawngtlai district-ah hian polling station 161 awmin, PS tinah mi pali zel an duty dawn a ni.