Political party flag târ lak thlaksak

Mizoram inthlanpui awm tura Aizawl district-a flying squad leh police-te chuan October 25, Ningani khan Aizawl East-II bial chhunga political party ṭhenkhatte flag târ chu Election Commission of India (ECI) duh dan kalha tàr a nih avangin an lak thlaksak.

Aizawl East-II MNF-te chuan, Saron Veng, Armed Veng, Armed Veng South leh Chite venga Congress poster târte lak thlaksak a nih thu an tarlang a; hetih lai hian, MNF flag-te pawh police leh flying squad-te chuan an lak thlaksak ve bawk nia thu dawn a ni.

Vanglaini palai zawhna chhangin Election officer Lalfakzuala chuan, hmun ṭhenkhatah political party-te flag târ lak thlaksak a awm nual tawh thu a sawi a; flag tàr lâk thlakte chu phalna la loa târte a nih thu leh, phalna lak hmasak chuan party flag tàr hrim hrim chu phal loh a nih loh thu a sawi bawk.