LADC inthlana candidate turte puang

Ramria buaina avangin Assam-in ei leh barah Mizoram hrêk an tum laiin Chief Minister emaw, Home Minister emaw ramri lamah hmuh tur an awm lo tih Zodintluanga chuan a sawi a; sorkar sum harsatzia a takin a lang a, sorkar hnathawkin hlawh an la thei lo tih sawiin, "MNF an len apiangin harsatna leh buaina a awm ṭhin. Hripui léng vanga Mizorama harsatna nasa tak kan tawh chhan pawh MNF sorkar rorelna fel loh vang a ni," a ti a, MNF sorkarah hel leh eirukna a hluar ṭhin thu a sawi.

MPCC Treasurer chuan, Assembly Speaker chu lái (neutral) taka awm tur a nih laiin, nimin khan Lawngtlai lamah LADC inthlanna tur kaihhnawiha zuitu tam tak nen an kal tih a sawi a, "CM ber pawh mipuiin nuihza chàna an chàn tâk avangin a minister pakhat chuan fiamthu thawh nana hmang tawh lo turin mipui a vau hial a ni," a ti.

MPCC thuchhuah chuan, candidate puanna inkhawmah hian LADC chhunga Congress party zawm thar mi 210 lawm luh nghal an ni tih a tarlang. Inkhawmah hian MLA C Ngunlianchunga leh minister hlui PC Lalthanliana te pawhin thu an sawi a ni.

MPCC tarlan danin, MDC 25 awmna LADC inthlana INC candidate tur mi 15 leh INC thláwptu independent candidate mi pathum an puang phawt a; mi dang pasarih pawh puan leh thuai an tum a ni.