HSLC Examination 2022 ṭan

High School Leaving Certificate (HSLC) Exami­nation 2022 chu nimin khan exam centre tinah ṭan a ni. Kumina HSLC exam-ah hian exam centre 117 a awm a, candi­date 18,357 an awm. March 16, 2022 thleng theory exam a ni ang a, March 17-22 chhungin prac­tical exam neih a ni ang.

Higher Secondary School Leaving Certificate (HSSLC) Examination 2022 pawh vawiin hian ṭan a ni dawn a, March 1-25 chhung neih tur a ni a; practical exam chu February 14 khan ṭan a lo ni tawh. Kumina HSSLC exam-ah hian exam centre 90 awmin, candi­date 12,301 an awm a ni.

Exam buatsaihtu MBSE chuan thuchhuah an lo siam tawhah, Covid-19 vanga harsatna tâwk an awm a nih chuan kum hloh loa an exam theih ngei dan tur ngaituah­sak a nih dawn thu an tarlang tawh a ni.

Board exam chung changah hian MZP chuan thuchhuah siamin, exam chhungin kawlphetha hnianghnâr taka pe turin sorkar thuneitute an ngen a; zirlaite lehkha zir tibahlah thei záwnga bengchheng siam lo tur leh harsatna siam lo turin mi tin an ngen bawk.

MZP chuan, exam hmachhawntu zirlaite chu ram leh hnam nghahfâk an ni tih inhre reng chunga ṭhahnemngai taka zira exam hmachhawn turin an chah a ni.