Joint NGO-in ramri an tlawh

NGO Coordination Committee hruaitute chuan February 26, Inrinni khan Mizoram-Assam ramri bula duty-te an tlawh a; inkawmna hun an hman bakah, thilpek an hlân.

Ramri tlawhnaah hian Joint NGO-a tel Central YMA, MHIP, MUP, MZP leh MSU hruaitute an tel a; hlawm thumah inṭhenin, Vairengte leh Saihapui-V, Thinghlun leh Medili leh, Bairabi Zophai te an tlawh a ni.

Ramri duty post hrang hrangah hian Rs 5,000 ṭheuh leh hmai tuamna leh hmai khuhnate an hlân a; Joint NGO chuan, Mizo ram leh hnam himna atan theihtawp chhuaha ṭan lak zel an tum thu an tarlang.