National Science Day hman a ni

Planning department hnuaia Directorate of Science and Technology leh Mizoram Science, Technology & Innovation Council (MISTIC)-te chuan nimin khan MINECO-a Innovation Facility Centre Exhibition Hall-ah National Science Day an hmang a, Aizawl DC Dr Lalhriatzuali Ralte-in a hmanpui.

National Science Day lawmna MISTIC member secretary H Lalsawmliana, chief scientific officer-in a kaihruai a, senior scientific officer Samuel Lalmalsawma'n Day chungchang a sawi. Mizoram University Department of Forestry-a assistant professor Dr David C Vanlalfakawma'n Science Day thupui 'Integrated approach in science & technology for sustainable future’ tih a sawi a ni.

MISTIC-in State Level Science Quiz 2022 (online) a buatsaih result puan a ni a, lawmman sem nghal a ni bawk.