ZPM chhuahsan chhan sawifiah

ZPM Southern Headquarters, Lungleia vice president hlui V Kapchungnunga leh general secretary hlui Duhawma Rokhumte chuan nimin khan Aizawl Press Club-ah thuthar thehdarhtute an kâwm a, Zoram Exodus Movement din a nih thu sawiin, "Hetia ZPM party din a lo nih takah chuan kan beisei leh tum ram hi thleng zo dawn chuang loa kan lan avangin ZPM aṭanga chawlh kan titlu a ni," an ti.

'Kalphung thar, mipui sorkar' tih ṭhin chu a ṭhat thu sawiin ZPM hruaitu hluite chuan, "Party-a leh a nih hnuah chuan inîtsîkna leh inhuphurhnain kan khat zo ta a ni berin a lang. Chhûng lamah keimahni nasa takin kan inbei ta a ni," an ti a; ZPM chuan movement an nih lai rilru ang púa an insiam ṭhat loh chuan beisei tur an awm loh thu an sawi a ni.