ABC khawmpuiah upa thar 134

Mizoram Baptist Kohhran inkhawmpui lian ber dawttu, Area Baptist Council (ABC) inkhawmpui chu October 27 zan aṭanga nizan thleng khan Mizoram hmun hrang hrangah neih a ni a; nimin khan kohhran upa thar mi 134 nemngheh a ni.

ABC inkhawmpui hi Mizoram chhunga ABC 15-ah neih a ni a, Inrinni khan nilêngin rorelna inkhawm neih a ni.

Rorelah hian pastor bial aṭanga thu lutte ngaihtuah a ni a, ABC páwn lam thilte chu BCM Assembly-a kal zel tura dah a ni. Nimin chawhma inkhawmah upa thlan thar 134 nemngheh an ni a, chawhnu inkhawmah Lalpa Zanriah Sakramen ṭheh a ni.