Meth mûm 1,00,000 man

Ṭhuampui Veng Kumpuan duty leh Mizoram Police-a CID (Crime)-te chuan, October 27, Inrinni zing dar 5 vel khan Ṭhuampuiah 407 truck aṭangin methamphetamine (meth) mûm 1,00,000, cheng nuai 80 vel hu an man.

Thu dawn danin, Ṭhuampui Kumpuan hruaitute'n report an dawn bawhzuiin Inrinni zing dar 4:30 vel aṭangin khawchhak lam aṭanga meth phurtu motor an lo châng a, zing dar 5 velah an châng chhuak a ni. Meth hi dawnfawh karah dah a ni a, an hmuh chhuah hnuah CID (Crime) mite koin, an kutah an hlan a ni. Meth kengtua puh Zokhawthar lam mi nupa leh Karimganj vai pakhat an man nghal bawk.

Meth an man hi mûm 1,00,000 a ni a, a kawltu vaipa sawi danin, mûm khat Rs. 20-a lâin, Rs. 80-in a hralh ṭhin. Myanmar-a mi a chah niin, Zokhawtharah an inhlan chhâwng a, Karimganj, Agartala leh Pakistan ram chhungahte ken luh an tum niin a sawi bawk.