Aizawl E-I a MNF hotupa a ding hi inphum tumna a ang - PL Liandinga

Zoram Peoples' Movement (ZPM) chuan Inrinni khan Tuirial bazarah vantlang inkhawm an buatsaih a; ZPM adviser PL Liandinga'n thu sawiin, Tuirial leh Aii Pûkin a kar cheh Aizawl East-I bial khera MNF hotupa a ding tur chu inphûmbo tumna a nih thu a sawi.

PL Liandinga chuan, Aizawl East-I biala MNF-in an hotupa an dintir chu intihderna a nih ngawt loh chuan chhan dang a váng tih a sawi a, "Mizoram hian hruaitu lú ber atan eirûk thubuai awrh mekte thlang tawh loin, eiruk do ngar ngar ṭhin kohhran upa ngei thlang tawh zawk ila, Sumfai hmanga kan vote min leisak tumtute thlang loin, kan thlai thar man man taka leina tur budget-a dah tumtute thlan nachang hria ila; dinchhuahna ngêlnghet leh hmasawnna kumhlun kan nei tawh ang," a ti.

Aizawl East-I biala ZPM candidate K Sapdanga pawhin thu sawiin, "Kum 40 chuang ruling party bial lo ni tawh, kut hna thawk nasa ber bial ni si, ngaihthah ber bial nih reng hi a vanduaithlak," a ti a; ZPM an sorkar chuan kut hnathawktuten ngaih­sak an hlawh tawh tur thu a sawi.