Vigilance Week, 2018 hman a ni

Nimin khan India ram pumah Vigilance Week 2018 hman a ni a; Mizoramah pawh hmun hrang hrangah sorkar hnathawkte'n an hmang. Aizawlah chuan Secretariat Complex-ah chief secretary Arvind Ray hoin hleprukna nuaibo tura thutiam sawi rual a ni.

Vigilance Week hi November 3, 2018 thleng hman tur a ni a, kumin hian thupui atan 'Eradicate corruption - Build a New India' (Eirukna ûmbo la, India thar siam rawh) tih hman a ni.

Vigilance Week pual hian nimin zing khan kawng zawh buatsaih a ni a, Millennium Centre kawt aṭanga chhuakte chu Anti Corrption Bureau (ACB) SP Laldawngliana'n a vai liam a, Sikulpuikawn aṭanga chhuakte chu Vigilance deputy secretary Donnie-in vai liam.

Kawng zawhtute hi Vanapa Hall kawtah an intâwk khawm a, ACB director Mukesh Kumar Meena hoin hlêprûkna leh eirukna nuaibo tura thutiam an sawi rual a ni.