Advertisment tihchhuah theih dan tarlang

Mizoram sorkar chuan thuchhuah siamin, Election Commission of India (ECI)-in dan a siam tawh sa angin, MLA inthlan neih tur inpuahchahna kal mekah political party/candidate leh mimal, pawl, etc. in cable TV leh television channel kaltlanga inthlan kaihhnawih advertisement chi hrang hrang - thusawi, zai, drama, animation, etc. man chawia tihchhuah tur an neiha an zawm turte a tarlang.

Advertisment ti turte zawm tur

• Cable TV/television channel kaltlanga tihchhuah tura an duh audio/visual item-te chu an awmna District Media Certification and Monitoring Committee hnen aṭangin phalna an la tur a ni. Committee hi district tinah DC chairman-na hnuaiah din a ni.

• Recognised national/state party, registered leh unregistered party leh inthlan chuhtu can­didate-te'n audio/visual adver­tisement tihchhuah an duh a nih chuan a chhuah ní tura an duh ni thum hma lamah dilna an thehlut tur a ni.

• A chunga tarlan ni lo mi­mal, pawl, etc. in inthlan kaihhnawih thil audio/visual item cable TV/television channel a tihchhuah an duh a nih chuan tihchhuah ní atana an duh ni sarih (kar khat) hma lamah dilna an thehlut tur a ni.

• Dilna hi ECI-in application form a ruahman sa hman tur a ni a, District Media District Media Certification and Monitoring Committee office-ah emaw, DIPR website dipr.mizoram.gov.in/post/inthlanpui-lo-awm-tur-a-cable-tv-network-leh-television-channel-kaltlanga-politics-kaihhnawih-advertisement-tihchhuah-duh-tana-hriattur-pawimawh ah download theih a ni.

• Audio/visual item tihchhuah tur chu CD/DVD copy pahnih application form rualin thehluh tur a ni a, District Media Certification and Monitoring Committee-in uluk taka a thlir hnu a phalna certification of advertisement a pek chhuah rualin copy khat hi cable TV/television channel a tihchhuah turin pek kîr leh tur a ni.

• Audio/visual advertisement dilna lutte phalna pek leh pek loh thuah District Media Certification and Monitoring Committee-in thu a nei ang.

• District Media Certification and Monitoring Committee thutlukna a lungawi lo tan State Level Media Cer­tification and Monitoring Committee-ah thlen theih a ni.