MUP intihsiak lawmman sem

Aizawl khawpui chhunga 'MUP Léng­khawm Zai Intihsiak 2018' a ti ṭhate hnenah nimin khan Vanapa Hall-ah lawmman sem a ni a, Art & Culture secretary Sangdingliana'n a hmanpui. Sangdingliana chuan, kum upate chu a thlamuanthlak a, an zahawm thu a sawi.

Art & Culture Sec­re­tary chuan, MUP mem­ber-te chu an rilru leh taksate inenkawl ṭha tur leh an hriselnate ngai pawimawh tura a chah a, "In damkhua hrui ang a sei a, mi dangte tan leh thangṭharte chhertu leh malsawmna ni zel turin duhsakna ka hlan a che u," a ti.

Lawmman sem in­khawm hi Art & Cul­ture director R Hmingthan­zuala'n a kaihruai a; intihsiaka pakhatna chu Bungkawn unit (Aizawl West-III area) an ni a, pahnihna leh pathumna chu Chawnpui Veng unit (Aizawl West-II area) leh Hlimen unit (Aizawl South-III area)-te an ni.