KHAWTHLIR

Heroin man
Mizoram Police-a Aizawl DEF hnuaia District Special Branch chuan October 29, Thawhṭanni zan dar 7:40 khan Dinthar, Aizawlah heroin gram 6.12 an man a, a neitua puh Abdul Salam (45) s/o Hadid Ali, Jirighat, Jiribam, Manipur an man nghal bawk.

Tling theiah inngai
Serchhip constituency-a National Peoples Party (NPP) candidate Kapliana Pachuau chuan nimin khan Jemela Restaurant, Serchhipah thuthar thehdarhtute a kâwm a; NPP-in Serchhip biala ding tura an sàwmna ngun taka a ngaihtuah hnuah lawm taka a pawm thu sawiin, "Unit mumal nei lo mah ila, Serchhip mipuite'n min vote phawt chuan ka tling thei," a ti a, Mizoram inthlanpui bakah, nakkuma MP inthlan tur atan an inpuahchah nghal dawn thu a sawi.

Swachh Survekshan
Swachh Bharat Mission hnuaia khaw fai inelna, Swachh Survekshan kalpui mekah nimin khan Thenzawl khuaa village council member te, sorkar department aiawh te, tlawmngai pawl leh media-te tan faina chungchanga hmalak mekna zirhona, Vantawng Group YMA Rûn, Thenzawlah neih a ni. Workshop hi Thenzawl SDO (Civil) Pinky Zosangpuii, Thenzawl Town Sanitation and Cleanliness Committee chairman ni bawkin a kaihruai a, Swachh Survekshan hnuaia pawimawh hrang hrangte an inzirtir a ni.

Unity Day
Vawiin zing hian Rastriya Ekta Diwas (National Unity Day) hman a ni dawn. National Unity Day hi India zalenna sualtu zingaa sûlsutu pakhat Sardar Vallabhai Patela pian champha denchhena hman ṭhin a ni. Zing dar 7-ah sikul naupang 500-te 250 ve vea inṭhenin Sikulpuikawn leh Chanmari kâwn aṭangin ‘Run for Unity’ an nei dawn a, Lammualah an intâwk khawm ang.