Electric bill cheng vbc. 132.50 bá

February 11, 2022-a Mizoram sorkarin electric bill hrang hrang pek tur a neih zat belh khawm chu cheng vbc. 132.50 a nih thu Power & Electricity minister R Lalzirliana'n INC member Lalrindika Ralte zawhna chhangin a sawi.

Kawlphetha hman man consumer tam takin ṭha taka an pek laiin, bill pe ṭha lo eng emaw zat an awm tih sawiin Minister chuan, "Kum 2020-21 kum tawpa consumer-te bill pek loh tlingkhawm chu cheng vbc. 96.55 a ni," a ti a; kum kal mek 2021-22 September thlenga consumer bill pek loh tling khawm chu cheng vbc. 99.54 a tlin tawh thu a sawi bawk.