MSSC-in restricted tender-in nuai 26,502 man hna an pe

Sports minister Robert Romawia Royte chuan ZPM member C Lal­sawivunga zawhna ziaka chhangin, Mizoram State Sports Council (MSSC)-in kum 2020-21 leh kum 2021-22 chhungin restricted tender hmangin hna 32 an pek thu a tarlang. Hna 32-te chu cheng nuai 26,502.12 man a ni.

Robert Romawia tarlan danin, MSSC hnuaia restricted tender hmanga hna pekte chu specialised work a nih avang te, hmanhmawh thlak a nih avangte leh empanelled firm an nih avangtein restricted tender-a pek a ni.

Restricted tender hmanga hna pek zingah a man tam ber chu Mamit District Sports Complex dinna tur niin, cheng nuai 4,496.48 a ni a; hna 32 zinga 11 chu Decor India, Guwahati hnenah pek a ni.