Chalfilh Tourist Destination ṭhiah tum

ZPM member Vanlalhlana zawhna chhangin Tourism minister Robert Romawia Royte chuan ni 19.1.2022-a National Green Tribunal thutlukna angin Chalfilh Tourist Destination ṭhiah tum a nih thu nimin Assembly session-ah House a hrilh.

Hetihlai hian, Tourism Minister chuan Chalfilh Tourist Destination chungchanga National Green Tribunal thutlukna hi Supreme Court-ah appeal tura hmalak mek a nih thu a tarlang tel thung.

Robert Romawia sawi danin, Chalfilh Tourist Destination-ah hian building leh structure hmun riat a awm a, a sakna property awm zawng zawngte hlut zawng chu cheng nuai 759 man hu a ni.