PWD EE sawn lo turin CM ngen

Mamit Ṭhalai Pawl (MṬP) chuan chief minister Zoramthanga hnenah lehkha thawnin, PWD Mamit Division-a executive engineer Zodingliana sawn chhuak lo turin an ngen.

Chief Minister hnena lehkha an thawnah MṬP chuan, PWD Mamit Division-a EE Zodingliana, kum 2 pawh tling loah nasa takin hmasawnna a awm thu tarlangin, “Hmachhawp pawh tam tak a nei mek. Heti khawpa Mamit khawpui leh PWD Mamit Division-in kan mamawh laia min sawnsak hi kan hrethiam lo hle. Kan mamawhnate hriaa min sawnsak lo a, a post ngai (PWD Mamit Division)-ah min dahsak leh turin i khawngaihna kan ngen tak meuh a ni,” an ti.