MADC Draft Roll tlangzarh

Siaha district election officer (DEO) Lalsangliana, district bawrhsap chuan nimin khan DC conference hall-ah Mara Autonomous District Council (MADC) inthlan awm tura electoral roll ennawnnaa hman tur, Draft Electoral Roll a tlangzarh a, political party-te hnenah a sem nghal.

MADC-ah hian MDC constituency 25 awmin, polling station 81 a awm a; voter 43,014 awmin, mipa 20,892 leh hmeichhia 22,122 an ni. Siaha East-II bialah voter tam berin 2,911 an awm a, voter tlemna ber Amotlah bialah voter 1,045 an awm.