Silchar la pêl lote ZPM vote turin sáwm

Zoram Peoples' Movement (ZPM) chief ministerial candidate Lalduhoma chuan, "Mizo mipui, Silchar la pel lo zawng zawngte'n kawng ṭha kan neih theih nan ZPM ṭangrual pawl vote vek turin ka ngen a che u," tiin, ZPM vote turin Mizo mipui a sáwm.

Lalduhoma hian nimin khan Serchhipa ZPM office-a mi thar lawm luhna inkhawmah thu sawiin, "Kan ram lo kaihruai tawhtu party pahnih, Congress leh MNF sorkarna hnuaiah hian Mizoramin kawng ṭha kan nei ngai lo tih theih a ni. Tuna kan ram hotupa ber lah chuan, 'Silchar pawh la pêl ngai loin kan kawng a chhia an ti ṭhin,' a ti a ni,' a ti a. Silchar pawh la pêl lo te, mi rethei tak tak, an VIP-te min hmusit hle tih a hriat theih a ni," a ti.

ZPM CM Candidate chuan, "Congress party hian ṭhangkhat lian zet ram kaihruaia hna an thawh chhung hian thlai thar leisak se chuan vawiina hmusit taka 'Silchar pawh la pêl lo' a tihho hian Delhi-te pawh an thlen thlak mai bakah, an tu leh fate pawh sikul ṭha zawka kal turin an thawn liam ve thei dawn a ni," a ti a; chu chu Congress President-in a hre lo em ni, tih chu a zawhna a nih thu a sawi.