NMHP hnuaia hna thawhte thlirlet

National Health Mis­sion (NHM) hnuaia rilru lam hriselna lama hma latu National Mental Health Programme (NMHP) chuan nimin aṭang khan Administrative Training Institute (ATI)-ah ni thum awh tur Review Meeting cum Induction & Refresher Training an buatsaih.

Review Meeting cum Induction & Refre­sher Training hi Dr C Lalhrekima, HoD, Psy­chia­try department-in a kaihruai a, NMHP state nodal officer Dr Robert L Khawlhring-in NMHP kalphung leh hmalaknate a sawi a, clinical psycho­logist Biakhluzuali Chen­kual-in mental health care chungchanga a sawi bawk.

Inkhawmah hian NMHP hmalaknaa ti ṭha district pathum hnenah Health joint director Dr KK Chhetri-a'n lawmman a hlan. District ti ṭha ber chu Lunglei district an ni a, Saiha district pahnihna niin, Serchhip district chu pathumna an ni.

Dr Robert L Khawl­hring report-a a lan danin, India ramah kum 1982 aṭangin Mental Health Programme kalpui a ni a, Mizoramah chuan kum 1999-ah ṭan niin, mumal taka kalpui erawh kum 2014-ah ṭan a ni.