NABARD hotuin Sesawng FPO a tlawh

NABARD chief general manager Dr PM Ghole chuan nimin khan Sesawng Farmer Producers Organisation (FPO) a tlawh a, Sesawnga kut hnathawktute nen an inkâwm.

Dr PM Ghole chuan, Sesawnga kut hnathawktute'n dragon fruit an chìn chu a hmunah a enfiah bakah, Sesawng khuaa thlai thar zawrhna rural haat sakna tur hmun pawh a tlawh a; NABARD Tribal Development Fund (TDF) aṭanga puih theih a tum thu sawiin, dragon fruit chu nasa zawka chìn a, state dangah lian tham taka thawn chhuah a nghahlehawm thu a sawi.

Mizoramin ei leh bar zawnna kawngah mahni intodelh thei tura theihna a neih san thu sawiin Dr PM Ghole chuan, "NABARD chuan theihtawp a chhuah zel dawn a ti," a ti a; NABARD chu thingtlang mite tan an din ngheh tlat thu a sawi bawk.

NABARD CGM ṭawiawmtu B Lalchhanzova, CodNerc chairman chuan, Dr PM Ghole chu nasa zawka Mizoram pui tur leh kut hnathawktute thar chhuah hralhna kawnga thûk zawka inrawlh turin a ngen a ni.