Zoram Thar-in candidate puang
Zoram Thar pawl chuan nimin khan Chaltlang Lily Venga an pisaah kumin Mizoram Legislative Assembly inthlana an candidate tur an tihfel tawh chin an puang a; constituency 22 an chuh dawn a, candidate mi 18 an nei dawn. Candidate an la neih lohna biala an candidate turte chu a ṭul anga la puan leh tur a nih thu an tarlang.
Zoram Thar president Rev.Dr Zaichhawna Hlawndo chuan, party tan emaw, pawl tan emaw kan in candidate dawn lo tih sawiin, "Ram neitu Isua Krista tan chauh kan in candidate dawn. Khawvel thil chhuan tur leh zawrh tur kan nei lo a, kan chhuan ber chu Isua Krista chauh a ni," a ti.
Zaichhawna Hlawndo chuan, Zoram Thar chauh chu ram leh hnam dinchhuahna (independence) vision hmutu leh buaipuitute an nih thu te, kohhran siamṭhat ruahmanna neitute an nih thu te, vantlang nun siamṭhat kenkawhna tura pên chhuahpui tur nei awmchhun an nih thute a sawi bawk.
Zoram Thar thuchhuah chuan, Mizorama Assembly constituency 40-ah candidate dah kim an tum thu tarlangin, manifesto ni loin, Zoram Thar sorkar a din huna ram hmasawnna tur leh inrêlbâwl dan tur 'Sem Sem Dam Dam, Eibil Thi Thi (SDET) tih programme an neih thu a tarlang.
Zoram Thar candidate turte
# Hming Chenna veng Dinna tur
1. Rev.Dr Zaichhawna Hlawndo Lily Veng Serchhip
2. Rev.Dr Zaichhawna Hlawndo Lily Veng Aizawl West-I
3. Dr Lalmuana Dawrpui Vengthar Aizawl West-II
4. Lalawmpuia Renthlei Serchhip Hmarveng Hrangturzo
5. Biakchunga Chinzah Lawngtlai Lawngtlai East
6. Lalhrilzeli Hlawndo Lily Veng Aizawl North-II
7. Lalhrilzeli Hlawndo Lily Veng Lengteng
8. Zosangliana Zemabawk North Aizawl East-I
9. Tlangngaihthanga Lily Veng Aizawl South-III
10. Tlangngaihthanga Lily Veng Champhai North
11. Lalremsiama Zarkawt Aizawl North-III
12. Lalruatfeli Hlawndo Lily Veng Aizawl North-I
13. Lalruatfeli Hlawndo Lily Veng Tuikum
14. Lalremsanga Venghnuai Tuichang
15. Vanlalennawma Govt. complex Tuirial
16. Nunnathingparlawma ITI Veng Kolasib
17. Lalchuhvela Muanna Veng Dampa
18. Lalthlamuani Dawrpui Serlui
19. Hlimpawlthanga Bethlehem Tuivawl
20. Lalhmunzawnga East Lungdar Mamit
21. Vanramnghaka Champhai Zotlang Champhai South
22. Lalzenghaki Lily Veng Hachhek
Zoram Thar SDET programme
1. Kohhran siamṭhat (church reform)
2. Vantlang nun siamṭhat (social reform)
3. Zirna siamṭhat (education reform)
4. Hriselna siamṭhat (health reform)
5. Kawngpui siamṭhat (road and communication reform)
6. Kawlpetha siamṭhat (power and electricity reform)
7. Eizawnna siamṭhat (trade and business reform)
8. Rorelna siamṭhat (administrative reform)
9. Sorkar department siamṭhat (govt. department reform)
10. Ei leh bar zawnna siamṭhat (economic reform)