DC leh thuthar thehdarhtute inkawm

Kolasib DC Dr Arun T chuan November 1, Ningani khan a pisaah thuthar thehdarhtute a kâwm a, thil pawimawh hrang hrang an sawiho.

Dr Arun T chuan, chuan inthlanpui lo awm tur a tan inpuahchahna a kal tluan thu sawiin, mi tinte'n rilru fim leh thianghlim pua boruak muanawm leh thianghlim tak hnuaiah vote an thlak theih nan chanchinbumite chu an chanchinbu kal­tlanga a zau thei ang ber puangzar turin thawh­puiah a sáwm a ni.

Kolasib DC dawi danin, Kolasib district-ah pink polling station (hmeichhia vek duty-na polling station) pathum ruahman a ni a, chungte chu Thingdawl-III, Reng­tekawn leh Saidan-te a ni. Central Armed Police Force (CAPF) company pahnihin Kolasib district an thleng tawh a, vawiin k atangin area domination exercise an ṭan ang.

Thuthar thehdarhtute pawhin inthlan kaih­hnawiha an thil hriatfiah duhte an zawt a, DEO chuan hrilhfiahin, chan­chinbu mite chu an vei­vahna velah thil rinhlelh­awm leh dik lo an hmu a nih chuan thuneitute hrilh vat turin a chah a ni.