Hawla'n Shashank dem

Chief minister Lal Thanhawla chuan Mizoram chief electoral officer (CEO) SB Shashank-a'n Home secretary Lalnunmawia Chuango, Election Commission of India (ECI)-a a hêknate chu thu dik lo a nih thu a sawi.

Media zawhna chhangin Lal Thanhawla chuan, Lalnunmawia Chuaungo chungchanga CEO SB Shashank-a thil tih dan chu a dem thu a sawi a, "CEO-in complaint a thehluh hi thu dim lo chiang tak a ni. Bru-te hi hun rei tak Tripura-ah an cheng tawh a, Mizoram inthlanah vote an thlak duh a nih chuan Mizoramah an rawn let tur a ni. An awmna camp-a vote thlaktir hi thil nih phung dik a ni lo," a ti.

Lal Thanhawla chuan, Lalnunmawia Chuaungo chu Mizo pa tak a nih thu leh Bru chungchangah pawh Mizoram sorkar leh Mizo mipui duh dan anga hma a lak thu a sawi a; kum 2014-a Lok Sabha inthlan dawnah ECI chu Bru-te Mizoram páwna vote thlaktir lo turin an intiam thu a sawi bawk.