MNF leh BJP an thawkho - Lalduhoma

Zoram Peoples' Movement (ZPM) chief ministerial candidate Lalduhoma chuan, MNF-in BJP nen an thawhho loh thu sawi ṭhin mahse, NEDA-ah an thawhho avangin, chu chuan an thawhhozia a tichiang niin a sawi.

Serchhip biala ZPM candidate Lalduhoma chuan ZPM Steering Committee, Serchhip district-in November 3, Inrinnia Serchhip Bazara mual inkhawm an buatsaihah thu sawiin, MNF leh BJP-te chu an thawk dun niin a sawi a, "MNF-in BJP nen an inmawngzawm loh thu sawi sawi mah se, NEDA-ah thu an thlung a ni lo'm ni? Hei hian an inmawngzawm tih a tichiang hle," a ti.

Lalduhoma chuan, Serchhip bial, Mizoram lailia malsawmna hai chhuak a, chu malsawmna chu khaw mipuite nen chang tlang turin a theihna zawng zawng nen ramlai tan a inbuatsaih tih a sawi a; "Tunlai hian Zoram pumah 'Congress der' leh 'ZPM lo der an tam hle a ni," tiin, chutiang mi chu Serchhip khawpuiah pawh an tam hlea a hriat thu a sawi.

Lalduhoma chuan, Maryland, USA-ah pawh ZPM din a nih thu leh an sum thawh khawm pawh US dollar 1,000 chuang chu ZPM Treasurer kutah an rawn hlan dawn niin a sawi bawk.